ИнгГУ викал дакъа лоацаш ва, «Сталинграда поацолг» яхача Ӏилман кхетаче
Волгоградерча паччахьалкхен вахара-хьехархой университете, укх деношка дӀахьош я ӀХ-гӀа Халкъашта юкъера «Сталинграда поацолг» яха кхетаче, из хетаяьй Сийлахь-боккхача Даьймехка тӀем тӀа Котало яьккха 80 шу дизара. Из майда вӏашагӏйолларо таро елар советски халкъа карагӀдаьннар дагадоха, цун кӀоаргга уйла е, тӀема ханашка лаьтта хьал дувцаш. Цу кхетаче дакъа лоацаш ва ГӏалгӀай паччахьалкхен университета «Даьхен исторе» кафедра воккхагӀа вола хьехархо Тебой Илез.
Цо цига къамаьл дир, «Сийлахь-боккха Даьймехка тӀом лаьттача шерашка, моастагӏчо берашта духьала лоаттаяь къизал» ювцаш.
Цу исторически лоархӀамеча оагӀоно вай тӀахьех терко яра, къаьстта хиннар кхетадарга гӀолла мара дикадар сомадаккха таро хургьяц вай», - аьлар ИнгГУ «Сердало» газетага.
Конференце керттера дийцар дар Сийлахь-боккхача Даьймехка тӀема лоархӀаме йола Ӏилман оагӀонаш йовзар, уж хувца гӀерташ юкъедоахаш долча гӀулакхашта духьалъоттар, Сталинградера тӏом, цигара хьал хувцадалар, советски къахьегама наха цунна юкъе дакъа лацар.
Халкъашта юкъерча конференцеца цхьана дӀахьоргья Ӏилман- ховр шаьрдара кхетаче, цига дувцаргда «Дӏаяха ха ца лоархӏаш, Сийлахь - боккхача Даьймехка тӀема исторически дагалоаттам лорабарах». Из кхетаче тӀахьехаш я къона ноахал тӀема истори Ӏомадара, студенташта Коталон хьал дикагӀа довзийтара.
