«Сенеже» кагирхой политиках йола поалхам хьаэцаш хилар вай мехкахой
Вай мехкара викалаш Евкуранаькъан Жамалейла, Котаганаькъан Адель кагирхой политиках йолча семинаре дакъа лоацаш хилар. Кхетаче дӏахьош яр «Сенежа» доалахьарча Москван юхерча Пхьоалле. Мехкарча 89 моттигера, 450 Россе муниципалитеташкара нах бар цига дакъа лоацаш.
«Кхетаче хьаеллаш, доакъашхошка къамаьл дир Роскагирхой кулгалхочо Гуров Григоре, моттигерча оагӏон хӏама тоадарах йолча Ерригача Россе ассоциацена кулгал деча, моттигерча оагӏон болх тоабарах йолча Россе Президента Президиума Кхела доакъашхочо Гусева Иринас»,- йоах «Сердалога» кагирхой гӏулакхех йолча моттигера бенача хоамо.
Дешара, цу оагӏонцарча гӏулакхий кӏийле хинна, болх дӏахьош я семинар. Боккхача мехкара гулбеннача нахагара пайданегӏа дараш хьаэца, ший мехкара болх, кердадараш юкъелоацаш, тоабе аьттув луш моттиг я из. Хӏара республике накъадаргдола, эшаргдола хӏамаш да цига довзараш, хьаэцараш. Цул совгӏа, моттигашта юкъера бувзам чӏоагӏбе, цхьана проекташ йоаржае аьттув лу цу кхетачено.
