Буро тӀа дӀайихьача семинаре дакъа лоацаш хилар вай Миннац
![Буро тӀа дӀайихьача семинаре дакъа лоацаш хилар вай Миннац](http://serdalo.ru/storage/O4FzdX9I8vj9NmuxQMwUzVj6Fot0ARaCcqWuZWsT.jpg)
Буро тӀа дӀайихьача, Къилбаседа Кавказера говзанчаш Ӏомабеш йолча семинаре дакъа лоацаш хилар вай мехкарча Миннаца болхлой. Из хоам «Сердалога» бир цу моттигера.
«Семинар дӀайихьар, укх бетта 14-ча денгара 16-ча денга кхоачаш. Дувца оттадаь керттердар - «РФ моттигашка паччахьалкхен къаман политика йоаржаяр». Миннаца болхлой хиларал совгӀа, цига дакъа лоацаш бар къамани чухьарчеи политикан оагӀонца къахьегаш бола тайп-тайпарча моттигашкара Ӏаьдала болхлой», - йоах тхога кхаьчача хоамо.
ХӀара мехка ше-ший тайпара дола лоархӀамедараш теркалдеш, вӀашагӀъеллаяр программа. М. Ломоносова цӀерах йолча МГУра баьхка хьехархой бар цига лекцеш ешаш, из деррига балхаца хьахьокхаш хиннараш. Семинара доакъашхошта сертификаташ делар. Иштта цхьана болх дӀахьош Ӏомадаьчо лоархӀаме моттиг дӀалоац РФ моттигий бахархошца гӀулакхаш, бувзамаш леладара тӀехьа.