Шолжа-ГIалий тIарча кхетаче дакъа лоацаш ба вай ахархой
Юртбоахама гIулакхех йолча Министерствон кулгалду Гаьгенаькъан Мухьмад хьалха волаш, министертствон болхлой ба Шолжа-ГIалий тIарча йоккхача кхетаче дакъа лоацаш. Из хоам «Сердалога» бир цу моттигера. 50 мехкара 4 эзар совгIа доакъашхо гулваьв цу вIашагIкхетаро.
«Кхетачен хьалхарча дийнахьа дийцараш мехка хьал тоадарца, АПК оагIонцара болх дикка меттабоалабарца, лувжашца ювзаенна туризм йоаржаярца дувзаденна дар; мишта гу Россерча, кхыча мехкарча бизнесменашта Кавказ; спорта Кавказ.
Иштта къаьстта дIахьоча кхетаче студентий, къонача говзанчий хаттарашта жоп луш хургва вице-премьер вола Новак Александр. Цул тIехьагIа дIахьоргья «Йоккха Кавказ; фордагара фордага кхаччалца» яха сесси», - дийцар тхога. Форуме хьокха оттайир «Шолже» яхача агрокомплексе кхеяь помидораш, «Йоккхача сомий бешара» Iажаш, ООО « Нокхармоза» яхача оагIонгара модз, «Ачалкх» яха хий.
