ЗӀамигача шахьарий хӀама тоадарах йолча кхетаче, дакъа лаьцар наьсархоша
ЗӀамигача шахьарий, исторически моттигий хьал тоадарах йолча ерригача Россе кхетаче дакъа лоацаш хилар Наьсарера мэр Оздой Руслан, шахьарера керттера архитектор ЦӀечой Басир. Россе моттигашкарча йоккха йоацача шахьарий хӀама тоадарах лаьца къамаьл хилар цига. Гулбеннараша дӀа-хьа йовзийтар, пайда бе йоаржаеш йола лоархӀаме проекташ, иштта шахьарашта доал деш бола болх мишта дӀабахьа беза белгалдир.
«Кхетаче къоастаергья шахьарий куц тоадеш йола толашагӀа йола проекташ. Иштта кхетаче белгалбергба шахьара моттигашка дикагӀа йола проекташ йоаржаярах йолча Х Ерригача Россе яхьашка котбаьннараш. Наьсарера а чуденнад цига дехар, коталонга кхачара аьттув а ба вайга», - дийцар «Сердалога» Наьсарерча администраце.
Кхетаче дакъа лацаро дукха хӀама довзийт. Тахан вайна хьалхашка латтача керттерчарех да бахархой хьал тоадар, ма хулла дукхагӀа туристаш тӀалаттаргболаш мехкара моттигаш меттайоалаяр. Наьсарен хьал тоадеча балха юкъелаца мегаргдараш, дайзар цига мехкарча хьакимашта.
