Берригача мехка лоархIаме йола кхетаче дIахьош яр Россе Президента администрацен кулгалхочун хьалхарча заместитела Кириенко Сергейси, «Даьхен лорабой» паччахьалкхен ганза кулгалхочо Цивилева Аннаси дакъа а лоацаш. «Аз хьаллоац Владилена Сергейс ветеранашта, байнарий гаргарча наха сихагIа новкъостал дара, ганзо тIехьара тIа эшачун Iалашо е еза яха дешаш», - аьлар ГIалгIайчен Кулгалхочо.

Иштта мехка кулгалхочо Евгене Аннайна баркал аьлар, цо моттигашка боккха болх дIабахьарах, гIалгIай филиала балха мах барах, цун болхлошта доагIаш дола совгIаташ даларах. Цу тайпара дIахьоча кхетачено таро лу, кхы тIа цу даькъ тIа пайда эца, кулгалдара балха лостамагIа говзал дIа-юха яла, хьалхашка нийслуш дола декхараш лерттIа кхоачашдара шоайла новкъостал де.

Таро хулийт цу дешо иштта «Даьхен лорабой» моттигерча ганза болх дикагIа вIашагIболла» - СВО хIара ветерана, цига дакъа лоацаш байнарий дезалашта уж бахача моттигашка новкъостал де, цар хьашташ дикагIа довза.

ГIалгIайчен бIухой, СВО дIахьош болча тIем тIа, денал гойташ, турпала никъ лаьца, латташ ба. Цига дакъа лоацаш болча бIухоех кхаь сага, Россе Турпал яха цIераш еннай. Хала хет, шиъ царех вайна юкъера дIакъаьста хилар - Хамхой Адам, Боканаькъан Мустафа.

Хьоашаланаькъан Султана Россе Турпала цIи елар Президента Путин Владимира, оагIой бетта 8-ча дийнахьа. Вай доаккхал ду хIара турпалхочох!» - аьлар ГIалгIайчен Кулгалхочо.