Ерригача Россе зӀамига бераш кхедерий кхетачен юкъе дакъа лаьцар вай мехкахочо
«Россе берий бешамий хьехамчаш: Башкортостанерча берий бешамашкара дешар» яхача ерригача Россе яхьашка дакъа лоацаш хилар Магасерча «ЗӀамига зирак» яхача берий беша керте латта Котанаькъан Фатима.
Россе къамашта юкъера лоархӀамедараш доаржадар духьа, юкъеяьккхаяр Уфе дӀахьош йола из йоккха кхетаче. «Берашта нийса кхетам луча нийслуш дола кхоачамбоацараш юстардахара никъ бовзийташ йолча докладаца аз белгалдир, берий бешара дешара гӀулакх лакхача боараме хилар мел лоархӀаме да цар дӀахохьоргдолча вахаре, иштта вай балхацара цхьаццадараш довзийтар. Берий беша чӀоагӀбе беза цар дегашка Даьхенцара безам, цун сий деш хилар, истори лархӀар. Хьехархошта, цар даьшта, ноаношта тӀалатташ лоархӀаме декхар да из - массахана берашта из хьалхадахар, къаман, Даьхен яхь лорае Ӏомабар. Юххьанца из деррига хьалхадоахаш мара ураотталургьяц вайна Ӏадаташ, культура, истори довзаш йола тӀехье», - дийцар «Сердало» газетага Котанаькъан Фатимас. Ше мел дувцар видеогойтамца дӀахьокхаш болх дӀабихьар вай мехкахочо. Кхетачен доакъашхой теркам тӀаозаш хилар цун доклад.
