Мехкара промышленность дикка тоалуш йоагӏа
Мехкарча промышленноста хьал дикка айлуш доагӏилга белгалдир, Магасе дӏайихьача цу оагӏонцарча министерствон кхетаче. «Сердалога» из хоам бера мехка Кабмина зарбан болх лелаберашкара. Промышленностах, таьрахьашца дувзаденнарех йолча министерствон хьалха латтача, вице-премьер волча Кокурхой Адама дийцар 2025-ча шера кхоачашдаьрех, иштта 2026-ча шера дӏабахьа безача балхах.
«Цу оагӏонцарча моттигий болх дикка тоабар да тха керттера декхар. Промышленность йоаржаярах йолча федеральни Ганзаца бувзам лоаттабеш тоаде лерхӏ оаха цу оагӏонцара гӏулакхаш», - белгалдир цо. Керда инвестиционни моттигаш хьаеллаш, вай мехкара цу оагӏонцара хьал дикка меттадоаладеш болх дӏабахьа лерхӏ укх шера. Белгалде деза тахан из гӏулакх толам болаш долга.
Промышленни хӏама 109,2%-га кхоачаш ба, арахьа дӏадихьар 18,34 млрд сомага кхоач, цхьацца хӏама тоадара балха индекс – 105,1%, промышленноста тоадеш дар - 9, 14 млрд сом. Укх тӏехьарча шерашка мехка кулгалхоша дикка къахьийгад цу оагӏонцара хьал лакхача боараме хилийта гӏерташ, хӏаьта тахан вайна гуш ба къахьегарах хьахинна толам.
