Пхи саг велар Ачалкхе машинаш вӀашкакхийтта
06.09.2024 15:03
Машинаш вӀашкакхийтта «Моздаке-Мочкъий-Юрт–Буро» оалача наькъа 64-гӀа километр йолча моттиге, пхи саг велар, виъ лозавир.
Хоамо яхачох, Киа Соренто автомобила водитель, наькъа бокъонаш лора ца еш, харцахьча наькъ тӀа ваьнна хиннав, машинал хьалхавала гӀерташ. Цига Хендай Илюзион автомобила тӀакхийттав.
Цу хатаро пхе сага вахар хоададир, цу юкъе ши вошеи, йишеи, нанеи цхьан цӀагӀара болаш. Лозабаьраш Наьсарен дарбанче дӀабигар.
Хиннар тохкаш ба лаьрххӀа бола болхлой.
