ГӀалгӀайчен культуран болхлой медиакхоллам ӏомабеш ба
ГӏалгӀайчен Жӏайрахьа кхален хозача моттиге уллача «Ӏарамхи» курорте дӀайихьар дешара кхетаче. Из вӀашагӀъеллар «Машук» яхача дешара Центро, ГӏалгӀай Республикан Кулгалхочун Администраце, Паччахьалкхено цхьана. Цига гулвелар 100 совгӀа блогер, медиа-юкъарлон даькъ тӀа къахьегаш бола нах. Царна юкъе бар Лаьжгерча культуран Цӏен кулгалхо Ховтанаькъан ӏ., оператор-постановщик Котанаькъан А.
«Кхетаче дӀахьош хилара бахьан дар, таханарча дунен тӀа дикал йола медиагӏулакх дегӀадоаладар.
Из доагӀаш дар культуран-салоӀама урхалленашта, цига бувзама оагӏоний хьал нийса леладарах тийша да организацей болх дӀабахьар, нах дукхагӀа тӀакхеташ хилар», - аьлар «Сердало» газетага Ховтанаькъан Ӏамархана.
Программа лаьрхӀа яр диъ дийнахьа дешара-довзара оагӀув дӀаяхьара. Доакъашхошка хьежаш дар говзанча хьехамаш - вирусий оагӀув Ӏомаяр, шоай цӀи тӏатеха хьал дегӀадоаладар, нахаца болх бе Ӏомабалар, леладу гӏулакх ахчанца чӏоагӏдар.
Дешара даькъ тӀа кхы а федеральни кхелахошца вӀашагӀкхетар хилар, хьаькъалерча ловзарашка дакъа лоацаш, ГӏалгӀайчен хозача моттигашка бахар.
Из деррига накъадаргда шоайла бувзам лелабара, профессиональни балха оагӀув дегӏайоалаяра.
