Спортах йолча министерствон болхлой, шоай кулгалхо даькъалавувцаш хилар
22.03.2024 10:05
Ваьча денца шоай кулгалхо даькъала вийцар физически культурахи спортахи йолча министерствон болхлоша. Из хоам тха «Сердало» газетага бир цигарча къахьегамхоша.
«Хозача, дега тоам беча дешашца даькъалавийцар Белхарой Руслан балха новкъосташа. Аьттув болаш, дуккхача шерашка могаш-маьрша волаш, ший моттиге къахьега, дагалаттараш кхоллаш дӀаховаха даькъалавийцар цар шоай балха хьалхалатта саг.
ХӀанз санна массанеца Ӏимерза волаш, барт тоабеш дӀаводе, дуккхача дикача гӀулакхашка кхача аьттув хургба шоай, аьнна, белгалдир цунца къахьегараша»,- дийцар тха газетага.
Укх шера Ӏан тӀехьарча бетта дӀатӀавахар Белхарой Руслан цу моттига кeлгалде, цига кхачале, вайцига спорта цхьан федераценна кулгал деш хилар из.
