Наьсарера моттигаш тоаеш, болх дӀабахьа лерхӀ республике
11.12.2024 11:46
ХьатӀадоагӀача шера кхо моттиги цхьа урами тоабеш, болх дӀабахьа лерхӀ шахьаре. Шахьара куц тоадара тӀехьа вӀашагӀъеллача къаман проектага гӀолла чакхбоаккхаргба из беркате болх.
Куц тоаде лаьрхӀача моттигашта юкъе ба Ӏарчакханаькъан цӀерах бола Аьлтий-Юртара урам, Хамхой цӀи лелаеш бола ГӀаьзе-Коара урам, гӀашлой наькъаш дахкар. Иштта, дикка кулг тохаш тоаергья шахьара Ӏама гонахьара моттигаш, сквер. Эггара хьалхарча оагӀонца тоае езарех я, аьнна, уж моттигаш хержараш бахархой шоаш ба. Наьсарерча мэре белгалдир, уж еррига моттигаш шахьара вахаре керттерчарех йолга.
