«ЙӀовхал лу аз» яха болам хьаллаьцар республикерча къаман кхоллама цӀено
08.12.2023 09:10
«ЙӀовхал лу аз» яхача, ара дӀахьош болча боламе дакъа лоацаш хургба республикерча къаман кхоллама цӀен болхлой. Укх бетта 12-ча дийнахьа дӀаболабенна 14-ча денга кхаччалца, латтаргба из болам республике. Даби-Юрта бахача кагирхошца цу болама йӀовхал екъа лаьрхӀад цар.
«ЛаьрхӀа къоастадаьча доазон тӀа хургья кагирхошцара кхетаче. Тайп-тайпара ловзараш, яхьаш дӀаяхьа лерхӀ цига.
Цу наькъа теркалдергда, дегӀа могашал эшаеннарашта лаьрхӀа йолча ишколе Ӏеш дола бераш», - дийцар «Сердало» газетага къаман кхоллама цӀен исбахьален кулгалхо йолча АбдурзаковгӀар Аьсета.
