ГӀалгӀайчера регбех ловза кагий нах Махачкалерча яхьашка котбаьлар
11.09.2023 16:55
ГӀалгӀайчен «Лоамаро» яха спортивни команда котъяьлар 2011-2012 шерашка баьча ондаргашта юкъе дӀайихьача яхьашка. Из къовсам дӀахьош бар Къулбехьен Федеральни даькъа «Къулбехье» яхача регбе академе а, Къилбаседа Кавказа Федеральни даькъа а кубок яккха дагахьа, дийцар «Сердало» газетага ГӀалгӀай Республикан физически культуран, спорта министерстве.
«Соколова кубок» яхача ерригроссе яхьашка ГӀалгӀайчера дакъа лоацаш хилар «Лоамаро», «Магас» командаш. Къонача «Лоамароша» дошо майдилгаш яьхар, вай шоллагӀа команда йиълагӀча моттиге сецар. ГӀалгӀайчен спортсменаша шоай говзал гойтар, бе-беча моттигашта юкъерча яхье дика дакъа лацарца», — аьлар ГӀалгӀай Республикан спорта министерстве.
Доакъашхоша яхачох, спортивни яхь хьаеллаш, цига дакъа лоацаш хилар Селий Республикан спорта министра заместитель Будунов Будун, цигарча регбе федерацен президент Гаджимагомедов Магомед, ГӀалгӀай Республикан регбе федерацен президент Циздой Исламбек.