Россе-ГӀуозлой Ӏилман кхетаче дакъа лоацаш я вай паччахьалкхен университета ректор
МГУ дӀахьош йолча эггара хьалхарча Россе-ГӀуозлой Ӏилман-дешара кхетаче дакъа лоацаш я вай паччахьалкхен университета ректор йола Ӏалбаканаькъан Фатима. Россерча, гӀуозлой мехкарча университеташта юкъе хила безача дешара, Ӏилман оагӀонцарча бувзамах дийцар цу йоккхача кхетаче.
«Россера, гӀуозлой мехкара Ӏилман моттигаш вӀашкаозаш кхетаче хилар цох. Цу оагӀонцарча лерхӀамедарех дувца, цхьацца хӀама дӀа-хьа эца, шин вуза юкъера бувзам чӀоагӀбе аьттув болаш вӀашагӀкхетар дар из», - дийцар «Сердало» газетага ГӀалгӀай паччахьалкхен университета зарбан болх лелабераша.
Шинна моттигаца дувзаденна Ӏилман, дешара, культуран оагӀонцара лерхӀамедараш доашхаш; болх дӀахьоргба кхетаче. Университеташка дӀахьош бола болх таханарча хано дӀадеххача тайпара, кердадараш, экономикацара заман лостамаш юкъелоацаш, чакхбаккха лаьрхӀа ба дешара моттигашта хьалхалаттараш.
