Росгвардейцаш мехка кхетаченаш дика дӀаяхийтарга хьожаш хилар
23.05.2024 12:00
Ишколашка тӀеххьара гургал тохаш йола кхетаченаш дӀахьош, 90 гаргга Росгварде урхаллен болхло дешара моттигашка бӀарглокхаш хилар, яхаш, дийцар «Сердало» газетага цигарча зарбан болх лелабераша.
«Дешархой вахаре дӀахьош дола эггара лоархӀамера ди, бокъонаш лораераша терко ца еш дисадац цӀаккха а. Росгварде болхлоша дизза кхоачашду наьха кхерамзлен Ӏалашо яра дола декхар. Из лоархӀаме болх цар укх деношка дӀабихьар чурча гӀулакхий Министерствон болхлошца цхьана», - йоах хоамо.
Тхога хоам бечо яхачох, бӀарчча дийнахьа цхьаккха а чоалхане хьал оттанзар, мехка бахархошта кхераме долаш.
