Эскар вIашагIдоллар, Росгварде кхоачашду декхараш, цу урхален чубоагIараш беча балхах дийцар цига. Бокъонаш лораераш жоп делар кегийча наьха Къаман гварде балха оттарца дувзаденна хиннача хаттарашта, малагIа кийчо яь хила беза, унахцIено мишта хила еза цу балха оттача сага.
Хоам бу, Росгварде офицераша тахан шоашта юкъе боацача шоай новкъостий балха толамех а дийцар, иштта белгалдир уж фу карагIдаьнна, малагIа даьхен декхараш кхоачашдаь нах бар уж. Цар белгалдир кортамукъален, паргIатонна мах малагIа ба. Колледжа студенташта дайзар «Массаза ха тIа» яха журнал, цун оагIонаш тIа латт байнача сотрудники цIераш.
Вневедомственни охрана даькътIарча органа кадрови подразделене кулгалхочо волча Мужехоев Ахьмада белгалдир, мехка а къаман а хьалхара шоай са ца кходеш, майрал, денал гойта байнача наьха цIераш цIаккха а йицлургъяц, аьнна.
Шоай аргIах Политехнически колледжа кулгалхоша баркал аьлар эпсарашта из вIашагIкхетар дIадахьарах. Иштта уж тешаш ба дIахо а патриотически — кхетамбалара болх кагийбарашта дIахьоргба аьнна.
