ГӏалгӀайчен ГАС кулгалхо дакъа лоацаш хилар ВОВ архивни ганзаца беча балха
Укх деношка Нева хи тӏарча шахьаре дӀайихьар, «Сийлахь-боккхача Даьймехка тӀема доакъашхой, Ленинграда блокадан бахархой вахарца дувзаденнача каьхатий ганзаца болх бара белгалонаш» яха семинар, из вӀашагӀъеллар Санкт–Петербурга Архивни комитет яр. Цига дакъа лоацаш хилар ГӏалгӀайчен Паччахьалкхен архивни гӏулакха кулгалхо Ховтанаькъан Руслан, яхаш, дийцар цу урхаллен зарбан болх лелабераша.
Семинар хетаяь яр блокада лайнача Ленинграда бахархошта санна, ВОВ доакъашхошта а, царна юкъе кӀезига бац гӀалгӀай, цунна терко тӀаяхийтар гулбеннараша, гӀалгӀай къаман исторически дагалоаттама хӀара миӀинг гулъеш дӀахьош болча балха.
«Цу тайпара лорадеш а, цахаддаш Ӏилма-тохкама балха юкъедоахаш а уж хаттараш хиларо таро лу, кӀоаргагӀа ӏомаде исторически тохкамаш, иштта халкъа дӀаяхача ханашкара турпалал гойта.
Ганзаца болх беш хилар бахьан долаш, лоархӀаме исторе оагӀонаш меттаоттае вӀаштӀехьадоал, архива материалаш дикагӀа хьакхоачаш хул тохкама балхаш леладерашка, хьехархошка, юкъарлонга», - аьлар ГӏалгӀай Республикан архиве.
