Из хоам «Сердалога» бир комитетера. Из йоккха кхетаче селий мехка дӀайихьар экономикан хьал доаржадарах йолча Министерствон кулгалхо Решетников Максим юкъе волаш. Къилбаседа Кавказе туризм йоаржаярах дийцар гулбеннараша.

Укх шин шера цу оагӀонцара болх тоабеш шоаш дӀахьоча проектах дийцар Цхьорой Мухьмада. Цо белгалдир, ЖӀайрахьа кхале 13 фусам хьайийллалга, цар чу ваха йиш я 44 саг. 19 млн сом рузкъа да цох дӀадахар.

Хьакима дувцачох, цу гӀулакха дикка туристаш тӀаоза беза мехка. Кхоачашде дезача декхарех дувцаш хьоахадир, туризм йоаржаеш федеральни, республикански рузкъах субсидеш тергдолаш, карарча хана Комитете дехараш чуийдеш болга.