Гӏалгӏайчен доал деча моттигашкарча кулгалхоша Наьсаренна совгӏата елар даттай къаьге
Гӏалгӏайчен доал деча даькъ тӏарча кулгалхоша, Наьсарен 245 шу дузаш хиларах, совгӏата елар даттай къона гаьнаш. Из кхетаче дӏайихьар республикан кулгалхочо Келаматанаькъан Махьмуд-Ӏаьлас тӏадиллача декхарах. Шахьар даькъалаювцара, цу боламе дакъа лацара Наьсаре баьхкар ерригача шахьарий, кхален кулгалхой.
«Наьсарен мэра Оздой Руслана баркал аьлар цар цу боламе дакъа лацарах. Цо яхачох, карарча шера цӏай дездеш 300 га дӏаегӏар. Шахьара ӏама йисте 45 къона датта га ягӏа. Хӏара гаьна юхе дагалоаттама улгаш оттадир, цар тӏа я доал дара даькъ тӏарча кулгалхочун, доал дара боахама цӏераш», - аьлар «Сердало» газетага Гӏалгӏайчен Паччахьалкхене.
Хӏанзчул тӏехьагӏа кердадаьккха доазув кхы а хозагӏа хургда. Шахьар дегӏа мел йоагӏа, царца хьахургья къона гаьнаш. Экологически боламе дикача къахьегама гонахьа вӏашагӏтехар кулгалхой. Цига безаме къамаьл хилар, республикан доал ду тоаба цхьоагӏо йолаш, барт болаш хилар гуш дар.
