Республикерча УПЧ белгалвир РосунахцӀенон тӀахьожама кулгалхо
04.09.2024 11:54
«ГӀалгӀай республикерча сага бокъонаш лораярах» йола майдилг елар мехкарча РосунахцӀенон тӀахьожама кулгалхо волча Боранаькъан Ахьмада республикерча сага бокъонех волча викала ЦӀечой ИбрахӀима.
ГӀалгӀай паччахьалкхен 100 шу дизарца дувзадаь дар из гӀулакх. «Сага бокъонех волча викала лакха мах оттабу тахан Боранаькъан Ахьмада балха. Цо белгалдир, РосунахцӀенон тӀахьожамца бувзам лоаттабеш, унахцӀенон оагӀонцара наьха бокъонаш лораеш болх дӀакхухьилга», - дийцар «Сердало» газетага УПЧ.
УнахцӀенон оагӀонцара наьха бокъонаш меттаоттаяра тӀехьа, лоархӀаме дакъа дӀалоацаш я РосунахцӀенон тӀахьожам лоаттабу моттиг. Молхашта, унахцӀенон оагӀонца эшаш болча кхыча кхоачама тӀахьожам лоаттабеш ба тахан цу гӀулакха тӀара нах.
