ГӀалгӀайчен кулгалхоша «ГӀалгӀайче» яхача форда кеман тоаба даькъалайийцар
20.02.2024 17:48
ГӀалгӀай Республикан кулгалхочо Келаматанаькъан Махьмуд-Ӏаьлас, иштта парламента спикера ТӀумхой Мухьмада, берригача депутаташа, Даьхен лорабой ди хьатӀадоагӀаш, Новосибирске латтача «ГӀалгӀайче» яхача зӀамагӀа йола ракеташ тӀайолча хин кема тоаба даькъалаювц, аьнна, кхайкадир цу кема тӀа, ГӀалгӀай Республикан Халкъа Гуллама депутата Олиганаькъан Бадрудина.
Цох дийцар «Сердало» газетага республикан парламента зарбан болх лелабераша.
Депутата къамаьл хилар форда кеман тӀа амал деш барашца, Доккхача Лаьттара дола моаршал кхайкадеш, ГӀалгӀайчера йихьа кхачан продукташ дӀаелар цо.
