Укх шера 279 саг малхаваьннав, бераш деча керттерча моттиге
2024-ча шера бизза боацача бетта 279 бер малхадаьннад вай перинатальни центре. Царна юкъе 138 кӀаьнкаш ба, йиӀигаш - 141, шола даь бераш долаш кхо дезал ба. Из хоам бераш ба паччахьалкхен зарбан болх лелабераш. Вай мохк, нах бебарга диллача, хьалха хиннаб массахана.
Бакъда тахан вайцига бахаш болча, 7, 8 бераш хӀара дезале долча Палестинерча нахага хьежача, ала догьотт вай кхалнахага, иштта дола хьал хьаоттаде деза вай мехкарча хӀара дезале а.
«Дезалхо малхавалар хам баь варгвоаца Даьлагара совгӀат да. Дезал - вай кхоане. Барт болаш, яхь йолаш болча дезало дукха дикаш доаржаду, шоай къаман юкъе. Тахан вай боккхача мехка дикка гӀо ду дезалашта, чӀоагӀа дега тоам беш да из гӀулакх», - дийцар перинатальни центра керттера лор йолча Хутенаькъан Мадинас.
Белгалде деза, дӀадахача шера вай къаман 7 910 дезалхо тӀакхийттилга. Царна юкъера 4 072 кӀаьнкаш бар, йиӀигаш – 3 838, шола даь бераш дар 75 дезале, хӀаьта цхьан дезалá кхолха даь бераш делар Дала. Къам дебара гӀулакх теркалдича, 3-ча моттиге латт вай республика.
