Мехка Кулгалхочун  зарбан болх лелабераша яхачох, бейнача бӀухой дезалашта иштта 300 эзар сом ахча, сагӀийна дулх лу. Къаьстта теркам тӀабохийт лаьтта далара хаттара. ХӀанз укх сахьате, 455 лаьттан дакъа хьакъоастадаьд, кастлуш  кхы а 170 Берда-Юрта  дӀадала лаьрхӀад. Наьсаре 66 керда лаьтта вӀаштӀехьадаьккхад, хӀанз цига эшаш дола каьхаташ кийчдеш я Минимущество.

Из новкъостал бӀухой берашка а кхоачаш да, 537 бер берий бешамашка оттадаьд аргӀанга хьежа ца дезаш, хӀаьта 829 дешархо, мах боацаш, дӀайха даар лоаттадеш ва.

Белгалду, моттигерча унахцӀенон Министерствос иштта вӀаштӀехьадаьккхар лорий новкъостал. Карарча хана 707 саг диспансеризаци еш чакхваьлар,715 саг лорашка чакхваьлар кхыча лазарашта. ЛерхӀаш да СВО доакъашхошта, ветеранашта лаьрхӀа лорий отделени хьаелла, цар могашал меттаоттаяра.

«СВО доакъашхошта деш дола гӀулакх даим са теркама юкъе да», - аьлар ГӏалгӀайчен Кулгалхочо Келаматанаькъан Махьмуд-Ӏаьлас.