2024-ча шера, ийс моттиге ухаш, хургда вайцигара фецара кемаш
06.02.2024 09:52
2024-ча шера вай мехкара фецара кемаш, ийс моттиге ухаш, хургда. Из хоам «Сердало» газетага бир Москверча ГӀалгӀайчен массазарча викалаша.
«БӀаьстан-ахкан наькъаш хьаделларгда укх бетта «Магас» яхача аэропорте. Самаре, Соче аха долалургда фецара кемаш, бӀаьстан ха хьаэттача; Санкт-Петербрге, Тюмене долха наькъаш дийлла хургда», - йоах тхогарча хоамо.
Иштта Москве, Петрозаводске, Уфе, Екатеринбурге, Нижневартовске долха сигалара наькъаш болх беш хургда. Цу шахьарашка балха, деша, дарба де, базар е ухача наха, чӀоагӀа лерхӀаме да из.
Белгалде деза, хӀара шера Саудовски Араве хьажол де болхараш а, «Магас» яхача аэропортера накъабоахилга.
