ГӏалгӀайчен ший лоӀаме кӀалкхетаргах латарах вӀашагӀтехача тоабо нохчий Шолжа-Гӏалий тӀа дӀахьоча яхье дакъа лаьцар
ГӏалгӀай Республикан гулъяьча тоабо дика дакъа лаьцар ший лоӀаме кӀалкхетаргах латара йийллача республикан яхье, из хилар нохчий Шолжа-Гӏалий тӀа, яхаш, дийцар «Сердало» газетага Шолжа кхален администраце.
«Спорта оагӀув дикагӀа дегӀайоалаяр духьа, «Спорт - вахара боарам» яха проект вӀашагӀъеллай, цунна чудоагӀа кагирхошта юкъе ший лоӀаме кӀалкхетаргах латар доаржадар. Спортивни даькъ тӀа дукха кагирхой, зӀамагӀбараш нийсбелар, уж хӀанз мара спорте дакъа лаца дӀаболалуш а бацар.
Вай мехкарча спортсменех дошо майдилгаш яьхар Хоаной Сайфулас, Налганаькъан Ахьмада. Ӏарпенаькъан Хайр-Мухьмадеи МургӀустанаькъан Мусаси шоллагӀа моттигаш яьхар. Хазанаькъан Юсуф, Элмарзанаькъан Мухьмад, Буружанаькъан Сулейман, Элмарзанаькъан Адам, Налганаькъан Муса, ГӀудантанаькъан Рамзан, Евкуранаькъан Мухьмад кхоалагӀча моттиге нийсбелар», - йоах хоамо.
