ГӏалгӀайчен гулъяьча тоабо дика говзал гойтар шахбоксах Россе Хьалхале йоаккхача
30.03.2025 07:54
ГӏалгӀайчен спортсменаша дика говзал гойтар, Россе шахбоксах 2025 шера Хьалхале яккхара яхьашка. Цига баьккхача толамах спортсмений кхоъ тайп-тайпара майдилг я, яхаш, дийцар «Сердало» газетага мехка спорта Министерстве.
«Тха тоаба, вӀашагӀъеллача хана денз, яхьашка дакъа лаьца ца Ӏеш, хьалхара моттигаш йоахаш хьайоагӀа.
Чуранаькъан Ӏумара 65 кг дозал дарашта юкъе хьалхара моттиг елар. Бобхой Мухьмада (50 кг) хьалхара моттиг елар, цар хьехамчаш ба Баркинхой Ваха, Овшанаькъан Ахьмад. Баркинхой Илеза борза майдилг яьккхар», - йоах хоамо.
Белгалду, Москве дӀайихьача спортивни яхьашка котбаьннараш Сербе дӀаяхьа лерхӀача яхьашка дакъа лоацаш хургболга.
