«ГIалгIайчен гулъяь тоаба», «Дунен гулъяь тоаба» шоайла яхьеяргья, яхаш, дийцар «Сердало» газетага ГIалгIай Республикан Кулгалхочун зарбан болх лелабераша.

«Вай тоабан капитан хургва цIихеза боксёр Цзю Константин, хIаьта «Дунен гулъяьча тоабанна» керте хургва Кевин Джонсон. Вай викалашта юкъе хургба начIал дола боксёраш Саганаькъан Къурейш, Иленаькъан ИсмаIал, Сергеев Сергей, Тоаркхой ИбрахIим.

Керттера терко тIаозаш хургда Щербаков Макса («Диг»), ГIазгиренаькъан Лоам-Iаьланна (ГIалгIай республикан бокса Федераце кулгалхо) юкъера латар.

Вай республикера эггара чIоагIагIа наьха терко тIаозаш йола спортивни яхьаш хургья уж», - аьлар ГIалгIайчен кулгалхочо Келаматанаькъан Махьмуд-Iаьлас, цу лоархIамеча яхьах ше дувцаш. Цо бех беррига вай бахархой «Магас» яхача Йовлой Берда цIерагIча спорта Элгац долча, аьтинга бетта 27-ча дийнахьа. Цига дIахьоргья уж яхьаш. Иштта цу сахьате из го йиш хургья Матч ТВ телеканалага гIолла. Цудухьа Россе ерригача республикашка бахача наьха таро хургья цу къовсама мах оттабе.