ГӀалгӀай къаман
юкъара газет

Кердадараш

Хоржамаш деча хьалхарча дийнахьа, хьайийллар берий беш

15.03.2024 13:05

РФ президента хоржамаш долча дийнахьа, къаьнара, 1970 шера хьалъяь гӀишло хиннача моттиге, хьалъяь 120 бера лаьрхӀа йола керда берий беш хьайийллар вай Мехкадас Шолжа - Шахьаре.

Из хоам тха «Сердало» газетага бир Мехкадаь зарбан болх лелабераша. Дешара гӀулакх тоадара тӀехьа йолча паччахьалкхен программага гӀолла дӀабихьаб из беркате болх. Берашта мел эшача хӀаман кхоачам болаш, хоза берий беш я хьайийллар.

Ший къамаьла юкъе РФ президента аьнна дешаш доаладир вай мехка кулгалхочо Келаматанаькъан Махьмуд-Ӏаьлас: «Бераш долча дезалашта гӀо дара тӀехьа, ялх шера вай дӀадахийта оттадаьр 14 триллион сом рузкъа да.

Тахан из дукха рузкъа дӀаухийташ латт ишколаш, берий бешамаш тоаеш, кердаяраш хьалъеш, бераш кхедеча ноаношта, ноаной хила кийчлуш барашта. Вай керттера декхар - наьха вахара хьал тоадар! Дешара моттигаш лакхача боараме тоаяь, мел эшар Ӏалашдаь хила еза, вай кхувш латтача тӀехьенна»,- белгалдир вай Мехкадас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде