Тахан ГӀалгӀайче йиъ моттиг хилар цӀи яьнна
16.03.2025 15:44
Духхьал тахан цхьан дийнахьа; Наьсаре, МагӀалбике йиъ моттиг хилар цӀи яьнна. Бахархой сакхетам лакха хиларах, чоалханерча хьала Министерствон говзанчаш сиха хиларах, сага хӀама ца деш дӀайоайир уж.
Хьалхара цӀи яьнна моттиг, МЧСа диспетчераша белгалйир бийсан 12 сахьат даьлча, Наьсарерча Албохчанаькъан урам тӀа. Цунна чубоагӀаш болча зарбан болх лелабераша яхачох 24 кв. м. наьха цӀа лотаделар.
Иштта МагӀалбике 11 сахьат 25 минот яьлча, моттиг нийсъелар Первомайски урам тӀа, №3/1. Цига, йокъаенна баьцаш бахьан долаш, яьнна цӀи дӀайоайир.
ТӀехьа тӀайоагӀача 10 минота МЧСа даим болх беш йолча телефона тӀа хоамаш даьхкар, Наьсарен Овражни, Ховтанаькъан урамаш тӀа 1 гектар йола баьцаш лотаяларах.
Саг лозаваь моттиг яц.
