«УнахцӀенон цӀермашин» яха болам дӀабихьар
23.11.2023 15:14
Магаса юкъамметте, Заьзганаькъан Идриса цӀерагӀча проспекта тӀа, итт сахьат даьлча денз 16 сахьат даллалца, республикан унахцӀенон министерствос «УнахцӀенон цӀермашин» яха болам дӀабихьар, яхаш, дийцар боахама зарбан болх лелабераша.
«Из моттиг хетаяь яр, республикан бахархой сакхетам совбаккхара, лорашка уж чакхбахара, царга унахценача вахара никъ лелабайтара», - аьлар ГӀалгӀайчен унахцӀенон министерствос.
Берригаш а тӀахьех лорашка чакхбалара, шоай могашалга хьажара. БӀарчча дийнахьа цу тайпара болам дӀахьош хиннача, дукха нах тӀабаьхкар. Царна юкъе бар «ГӀалгӀайче» яхача НТРК болхлой, цар таро хилар, шоай балха гаьна ца боалаш, лорашка чакхбала.
