Эбарга-Юрта «Дега шоатта» яха болам дӀабихьар
02.12.2023 20:44
Шолжа кхален керттарча дарбанчен лораша, цхьанне санна массане, «Дега шоатта» яха болам дӀабихьар Эбарг-Юрта, изхетабаь бар дега лазар долча наха. Цунах дийцар «Сердало» газета корреспондентага ГӀалгӀайчен унахцӀенон министерстве.
Гурахьа хулаш долча деношта тара а доацаш, чӀоагӀа хоза дена ди дар: шоашта фу лазар да хара нах тӀабехаш хиннача лорий кхайкарала раьза бараш хьатӀабаьхкар, уж вар 100 гаргга саг.
«Безам бараш чакхбала йиш йолаш бар тайп-тайпарча лазарех болча говзанчашка гӀолла, цӀий лакха дараш, са хала доахараш, дегӀаца совлен дозал дараш. Цул совгӀа, Шолжерча ЦРБ лораша хьалхадаьккхар каст-каста лорашка чакхбоалаш хила безилга», - аьлар ГӀалгӀай Республикан унахцӀенон министерстве.
