«Са проекта чубоагIа дешархой, дукхагIбараш, ворхIлагIча классера ба. Цу хана бераш, геттара а хьинар долаш хул. Цу программа чудоагIаш да бIарччача шера бераш «Сад-Гиганте» ахар а, «Кванториум» Швейни фабрике ахар а, иштта ахкана замах салоIама ха дIахьоча хана болх беш хилар а.

Цунна маIан да, духхьала цкъа даь а ца Iеш, дешархошта даима шоаш лаьрхIачунга кхача, бIарччача шера, новкъостал дар. Хетаргахьа цу наькъа тIа, халонаш нийсъяла а тарлац. ХIаьта, са проект дикагIча бIаьннена чуйоагIаш хиларо сона а низ лу, хьатIадоагIача шера, цхьаькха а накъаяргйола проект оттае.

Со деша яьгIача шерашка дешара-производственни комбинаташ яр, цу тайпара курсаш сона а накъаяьлар, иштта уж накъаяьлар соца дешабаьгIачарна а. Уж йистеяхарца тхона свидетельстваш делар: кIаьнкашта — машенашца дувзаденнар, йиIигашта-барзкъа тегар, сомаш лелабар. Сона бовзаш ба цу каьхатех балха эттараш. Сона а накъадоал цу хана аз Iомадаьр. Аз баркал оал сай хьехархошта а «Билет в будущее» яхача проекта а, практика безамца дIаяхьа таро хиларах», — аьлар «Сердало» газетага, Ведажанаькъан Лейлас.

Юртарча хьехархочун проект хьакхоллара маIан — профессе оагIонаш дешархошта йовзийтар, шоашта бакъахьа хета дешар хьахаржара, ЕГЭ экзаменаш дIачуялара.

Экскурсеш йоацаш а, предприятешка дIахьоргья, школьникашта лаьрхIа йола лекцеш, теори а практика а цхьана йолаш. «Билет в будущее» яха профориентационни проект, «Образование» яхача, къаман проектах маьхалйоаккхаш я.

Проекта региональни оператор ва «Реновация» ЦМИТ, хIаьта дагадехар я Российски Федераце дешара Министерства, оператора-Есин Ивана кулгалдеш йола, Гуманитарни Проектай Фонд, укх сылках: bvbinfo. ru», — аьлар ГIалгIайчен дешара а Iилмана а Министерства пресс-служба.