Вай мехкарча ветераний цӀагӀа, салоӀаш ба тӀема доакъашхой дезалаш
07.08.2024 18:32
ТӀема аренашка вахар хаьдача бӀухочун да, нана, иштта кхыболча Даьхен гӀулакха латтача вай майрача къонгий 8 дезал салоӀаш ба Сурхо тӀарча ветераний цӀагӀа. Мехкадас Келаматанаькъан Махьмуд-Ӏаьлас тӀадиллад, цар могашал меттаоттаеш, эггара дикагӀа хургдолча тайпара цу нахага хьожаш хила, аьнна.
«Тахан Даьхен гӀулакх лорадеш латтарашта хьалхашкара вай декхар да из», - белгалдир мехка кулгалхочо. ТӀехьарча шерашка дикка шердаьд ветераний ЦӀа, из бахьан долаш дукхагӀа нах чуэца аьттув ба цун.
«ТӀема доакъашхой болча вай къонгий дезалаша ма хетта салоӀаргдолаш, могашал меттаоттаергйолаш мел эшар Ӏалашдеш, болх дӀабихьаб оаха, - белгалдир Мехкадас. - Цу наха мел эшачунга хьажар, цар хьашташ кхоачашдар лоархӀаме да тахан».
