Кӏанташанаькъан дезал Гӏалгӏайче йовзийташ ба, «Хьамсарбараш-Дукхабезараш» яхача кхетаче
Мордове дӏайолаелар «Хьамсарбараш-Дукхабезараш» яха Хьалхарчар болама юкъарлон Ерригроссийски дезала болам. Цо вӏашагӏтехар Россе моттигашкара 250 дезал. Из йоккха кхетаче лаьрхӏа яр дезалера ӏадаташ чӏоагӏдара, бераш кхедеча даькъ тӏара говзал екъара, ӏадатий мах бараш гойтара, берашта кхетам балара даькъ тӏа даьй юкъарлон дакъа довзара, уж болама керттерча проекташта юкъедахара. Гӏалгӏайчера цига ба Кӏанташанаькъан дезал, уж Той-Юртара ба.
«Кхетачен доакъашхоша дӏахьу дешара программа, цар дакъа лоац говзанча хьехамашка, тоабашца цхьана кхетаченаш дӏахьоча, дезала юкъарлон хьал дегӏадоаладар дувцача. Цун керттера дакъа дар «Хьамсарбараш - Дукхабезараш» яха Федеральни дезала кхел хьакхоллар. Из хьаллоац Хьалхарчар боламо, Роскагирхоша, РФ Юкъарча кхела викалаша», яхаш, дийцар «Сердало» газетага Гӏалгӏайчен Паччахьалкхене.
Гӏалгӏайчен викалашааа гойтаргда культуран дика ӏадаташ, гӏалгӏай къаман хьаьша-да тӏаэцар, къаман барт-цхьоагӏо хилар. Кхетаче Кӏанташанаькъан дезал дика дакъа лоацаш ба, цар дувц дезалера кхетам балара хьал, иштта берригача мехкара баьхкача наьха вахарера дикагӏдар шоашта хьаэц.
