ГӀалгӀай къаман
юкъара газет

ГӀалгӀайчера сенатор вахар, СВО доакъашхой хьаллоацаш йолча ганза филиале

16.11.2023 14:28

Мехка кӀира чудоагӀаш, укх деношка БӀарахой Мухарбик вахар ГӀалгӀайчен «Даьхен лорабой» оалача СВО доакъашхой хьаллацара йолча ганза филиале.

«Цун кхетаче хилар цу моттига кулгалхочунца Оздой Муслимаца, цо ганза болхлошца доккха декхар кхоачашду, бӀухошта, цар дезалашта, ветеранашта новкъостал деш, СВО доакъашхой хьаллоацаш», - аьлар ший телеграм-канале БӀарахой Муслима. Тахан цу ганза тӀадаьхка декхараш да, юридически, вахара оагӀорахьара вай Даьхе лораеш латтарий хьашташ кхоачашдар.

«Даьхен лорабой» ганза филиало кхоачашду, цкъа хьатӀава мара ца везаш, хьалхашка нийслуш дола декхараш, из да лорашкара новкъостал, вахара Ӏалашо, психологически новкъостал, балха оттар, дешара моттиге дӀаоттар, санаторно-курортни дарба дар, иштта кхыдола аьттонаш. Цул совгӀа, СВО веннача бӀухочун дезала тӀахьожам лоаттабу, цунна эшар фуд хьожаш.

Сенатора, филиала кулгалхо хьаллаьцар, иштта СВО доакъашхочунна, цун дезала эшаш дола новкъостал де кийча хилар белгалдир.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде