Кагирхой политика йоаржаеш къахьийгача полице сержанта совгӀат делар
Вай мехкарча кагирхой политиканна юкъе къахьегаш хьавоагӀа полице сержант Шоанахой Заьлмаха белгалвир укх деношка кагирхой политикахи туризмахи йолча Министерствос. Из хоам «Сердалога» бир цу моттигерча болхлоша.
ДӀаьхача шерашка кагирхой гӀулакхех йолча моттигашца бувзам лелабеш хьавоагӀа Росгварде болхло вола Шоанахой Заьлмаха. Тайп-тайпара боламаш, кхетаченаш дӀаяхьа гӀо деш, цу юкъе доккха дакъа лоацаш, хьавенав из. Цул совгӀа, Даьла духьа гӀо дечар оагӀув хьаллоацаш, из гӀулакх ма хулла доаржадеш, къахьегарех ва из», - йоах тхога бенача хоамо.
Кагирхой политикахи туризмахи йолча Министерствон кулгалхочун гӀонча волча Оздой Темарлана белгалдечох, урамашкара хьал лорадарал совгӀа, ший Даьхен кхоане сийрда хилийта гӀерташ, болх дӀакхухь цо. Цо дакъа лоацаш, дуккхабарий аьттув баьннаб шоай начӀал доаржаде, пайда бергбола проекташ кхолла.
