«Вай мехка «Дешар» яхача къаман проекто баь пайда ба из. Цу проектага гӀолла керда 19 ишкол хьалъяьй мехка. 704, 720 дешархошта моттигаш луш йола ишколаш я Магасе, Шолжа-Шахьаре, Наьсаре, Пхьилекъонгий-Юрта, Инаркъе, Йоккхача Ачалкхе, Ӏаьлий-Юрта, Сурхо тӀа», - белгалдир вай мехкадас Келаматанаькъан Махьмуд-Ӏаьлас, цу беркатеча балхах дувцаш.

Республикан кулгалхочо хьоахадир, балха моттигашта юкъелаца безараш шоай декхараш дика довзаш бола, таро йоккха йоаца, дукха дезал болча фусамашкара нах ба, аьнна. Ишттача мугӀарерча наха шоай балха хам бергба, боаггӀача боараме, бехктокхаме из дӀабахьа хьожаргба.

Мехкадас теркалдир, РФ президента ер шу дезала шу да, аьнна, къоастадаь хилар. Белгалдаьккхар, вай къаман нах массахана дезала юкъера гӀулакх лакха лоархӀаш, терко еш, нийса дӀадахьа гӀерташ хиннилга.