«Тӏехьале» яхача ишкола хьакхолларгья Гӏалгӏайчен къаьнара гӏалаш еш лелаяь кеп
Ший цӏи дӏахазийтача «Тӏехьале» яхача гӏишлонхой-меттаоттадерий ишкол дӏайолалуш я Лохера Пхьуй яха Жӏайрахьа кхален хьалхара гӏалай комплекс меттаоттае. Хӏанз говзанчаш хьожаш ба шоллагӏча гӏата тӏа чувоалачара моттиг меттаоттае. Бакъда цу гӏишлон керттера мах бар хьалхарча гӏата моартол я, цу тӏа дисад къаьнарча белгалоний сурташ, из мах баь варгвоаца исторически тӏехьале я.
«Тха тоабаца болх беш мел болча наха лоархӏаме да, из ше хьалха хиннача беса лораяр, ший моттиге хургйолаш. Из тӏера гом йистебаккхара, къаьнара кхера биллар лорадара тха говзанчаша техкар лаьрххӏа йола инженерни оагӏув: керттера мухь шийна тӏаэцаш бола гом бир моартол лораяра, из ше хьалха хиннача хургйолаш. Юха а белгалду: оаха лаьрххӏа дӏахьу тоаяра болх чухьнахьара. Хӏара гӏа чӏоагӏбеш, миштаб бовзийташ болх бу, хӏана аьлча наха ха деза мишта юхайоалаю исторически лоархӏаме гӏишло. Тха гӏишлошка лораду ӏадаташ. Оаха бетон а, укх заман технологеш а лелаяц. Тхо сихлуш болх беш а дац», - аьлар «Сердало» газетага говзанчаша.
Хӏара кхера лорабеш, говзанча кулгашка гӏолла чакхбоал. Из дика кийчбу, ше хьалха хиннача юха ӏобиллар духьа. Ишкола говзанчий керттера декхар да шоай болх лакха говзал гойташ, дошо пхьараша санна беш хилар, вай гӏалаш кхы а йӏаьхача хана латтаргйолаш.
