ГӀалгӀайчен дешархошта дувц, наркотикех зулам доалаш хилар
16.01.2025 09:53
ТӀеххьарча хана дукхагӀа дӀахьош я дешархошта наркотикаша деш дола зулам хьалхадаккхара, культуран цӀеношка, ишколашка е кхыйолча моттигашка дӀахьош йола кхетаченаш. Царех аргӀанара кхетаче дӀайихьар Пхьилекъонгий-Юртарча №1 йолча ишколе, яхаш, дийцар Наьсарен кхален администраце зарбан болх лелабераша.
Дешархошца «Наркотикаш - из кӀай дохьаж да» яхача темах къамаьл дир юртарча культуран цӀен исбахьаллен кулгалхочо Пхьиленаькъан Т. Бераш шоашта бакъахьа хета хаттараш телар хьаьшашка, царна жоп доацаш а бисацар. Масала, «МалагӀа оамал йолаш хила веза саг, цунца Ӏехацавалара?», «Фу дергда Ӏа хьай новкъост цу юкъевахалга хайча?» яхача хаттарашта жоп луш дар бераш. Цунца цхьана берий таро яр уйла е. Кхетаче безаме дӀайихьар.
