Музеерча вахарах дийцар дешархошта
11.09.2023 13:53
Музеерча вахарах, цун лерхӀамах дийцар Наьсарерча № 20 йолча ишкола дешархошта, Мемориальни комплексе болх беш йолча Таренаькъан Любас. «Дешархошта лаьрхӀа культура» яхача культурни-дешаран проектага гӀолла дӀахьош ба из болх. «2019-ча шера денз, болх беш я вайцига из проект.
Берашта эшаш бола кхетам балара тӀехьа дикка пайда беш, гӀулакх да из. Дешархошта чӀоагӀа тамашийна хет музеера вахар, дукха хаттараш дар цар. Музее хьачувеча малагӀа хӀамаш лораде деза, иштта кхыдараш а дайзар царна. Музее гӀолла дӀайихьача экскурсе боккха тоам бир цар дегашта», — дийцар тхога музеерча болхлоша.
