Дешархой кхетаче хилар, цӀихезача спортсменашца
Илдарха-ГӀалий тӀарча № 3 йолча ишкола дешархошца, кхетаче дӀайихьар цӀихезача спортсменаша. Ерригача Россе къамашта юкъерча кагирхой союза доакъашхой бар из гӀулакх вӀашагӀаделлараш. «Сердало» газетага из хоам бир кхетаче дӀахьош хиннараша.
«Бокса федераценна хьалхалатта ГӀазгиренаькъан Ахьмад, олимпийски чемпион вола Чахкенаькъан Рахьим, боксёр Хамхой Альберт юкъе болаш йола кхетаче кхувш латтарашца дӀаяхьара бахьан, спортацара бувзам чӀоагӀбара уж тӀахьехар дар.
ГӀазгиренаькъан Ахьмада дешархошта дийцар, наркотик яхача дохьажо дегӀа деча зуламах, вахар толхадарах. Нийсача, пайдане хургдолча хӀаман тӀехьа хилар - из да сага вахар тоадергдар! Вахаре царна накъадаргдарех дийцар спортсменаша», - йоах тхогарча хоамо.
Чахкенаькъан Рахьимацара кхетаченаш, дешархоша боккха пайда эцаш, чакхйоал массахана, цунцарча къамаьло дог ураоттаду цар.
