«Мемориала музея болх лелабеча Хамхой Азас дешархошта лекци йийшар. Цо дийцар Россе хьалхара музейш хьакхолларах, иштта шоай музея балхах. Цул совгӀа, берашта гойтар музее лораеш йола хӀамаш, музее гӀолла дӀа-юха бугаш, гойтар тамашийна даьй ханара къаьнара гӀирсаш»,-аьлар «Сердало» газетага ГӀалгӀайчен культуран министерстве. «Культура» яхача проекто мехка культуран юкъебоах кхувшбоагӀараш, иштта царна йовзийт Даьхен культуран тӀехьале. Культуран юкъебаларо, из дика йовзаш хиларо таро лу царна шоай Даьхенах доаккхал де, цун истори, Ӏадаташ лархӀа. Цул совгIа, берашта новкъостал хул юкъарча вахаре шоай дакъа хьалоацача, мехка хургдолчунна хьалхашка бехктокхаме хила Iомабу.