«Даарех чам баьккхачул тӀехьагӀа, викторина доакъашхой хьаала дезаш бар, малагӀча къаман даарех шоаш чам баьккхаб. Белгалдаккха дезаш да, бераша шоашта тӀадилла декхар лерттӀа кхоачашдаь хилар», — аьлар «Сердало» газетага Кердача Реданта культуран цӀен кулгалхочо Хоаной Марета. Дешархоша боккхача безамца теркалдир, дукхача къамий даараш мишта кийчду, хӀара къаман цӀихеза даар кийчдара говзал яйзар царна. «Иштта бераша терко тӀаяхийтар эрсий кхачанна, цунна юкъедоагӀаш дар киназашкара оала даар, Л. Н. Толстой цӀагӀа лоаттадаь даар, къаьнарча а таханарча а Твере, Костроме, Суздале, Пскове, Рязане бахача наха кийчдеш дола даар, иштта московски рецепташ», — аьлар кхетаче вӀашагӀъеллараша.