ЖӀакех йолча яхье дакъа лаьцар Шолжа кхалерча дешархоша
Коталон 80 шу дизара хетаяьча жӀакех йолча яхье дакъа лоацаш хилар Шолжа кхалера бераш. Из хоам «Сердалога» бир кхален администрацера.
«ГӀажарий-Юрта дӀайихьача яхьашка гулделар 11 шерга кхачанза дола 30 бер. Ишколашка, культуран цӀеношка из говзал шаьръеш дола бераш да уж. Швейцарски хьисапа тӀатайжа, цхьан партена 10 минот ха къоастаяьяр доакъашхошта. Хана боккха беце а, лакха говзал гойташ дӀадихьар бераша из гӀулакх», - йоах тхога бенача хоамо.
КӀаьнкашта юкъе эггара дикагӀа хинна белгалваьлар Ӏалбаканаькъан Мухьаммад; шоллагӀа, кхоалагӀа моттигаш Ӏалбаканаькъан Ӏаддаланна, ГӀулой Ӏаддал-Хьамида кхаьчар.
ЙиӀигашта юкъе хьалхара моттигаш Темирханаькъан йижараша яхар: хьалхарча моттиге - Малика, шоллагӀча моттиге - Хади, хӀаьта кхоалагӀча лагӀа тӀа - Хадижа. Кубкаш, дипломаш делар котбаьннарашта.
