Яндарерча дешархошта гойтар «Вай ханара турпалаш» яхача проекта фильмаш
Яндарерча культуран Цӏагӏа «Вай ханара турпалаш: вай вӏашагӏтоха истори» яхача проекта чудоагӏаш, лоаца документальни фильмаш гойтар.
«Из кхетаче вӏашагӏъеллар Наьсарен доал дара даькъ тӏарча администраце оттаяьча планах. Из мехкагадаккхара проект дӏахьош хилара бахьан дар, кхувш йоагӏача тӏехьенна цӏихеза мехкахой бовзийтар, цар къахьегама, турпала наькъаш гойтар, Даьхенцара безам совбоаккхаш царна урок ялар», - аьлар «Сердало» газетага культуран-салоӏама моттиге.
Цига кино хьожаш дар йоккхагӏа йолча классашка дагӏа бераш, цар терконца ладийгӏар фильмаша дувцачунга, иштта шоай мах оттабир турпалхошта карагӏдаьннача гӏулакхашта. Гойташ хинна кинош дийкъа дар массехк даькъа: «Ипатов. Бакъдар, иштта Сага бокъо, «Левит. Коллективизм», «Чухванцев. Нийсхо». Цу тайпара фильмаш гойтаро таро лу исторически бакъдар дагалоаттаде, сага мах бараш довза, ноахалашца дийна бувзам лелабе.
Цига иштта дакъа лоацаш бар беза хьаьший-Наьсарен кхален вахара оагӏон дешта йола Саганаькъан М., Наьсарен кхален культуран Цӏен кулгалхо Дзейтанаькъан Т. Цар белгалдир, цу тайпара кхетаченаш дӏаяхьар лоархӏаме хилар.
