ГӀалгӀайчен дешархой Ӏомабир, лорий хьалхара новкъостал де
23.02.2024 17:18
Магас-Шахьара культуран, спорта, туризма Центра; моттигерча «ЦӀеча ЖӀарга» юкъарча организаце отделенеца цхьана, говзанч-класс дӀайихьар хьалхара лорий новкъостал дар мишта хила деза гойташ, яхаш, дийцар «Сердало» газетага ГӀалгӀай Республикан культуран, спорта, туризма Центра говзанч волча Султиганаькъан Ахьмада.
БоккхагӀбараш Ӏомабар дӀадихьар массехк темах лаьца. Цхьан сахьата йолча хана, Тимарзанаькъан Заьлмахас, Ноакастхой Адама берашца дега-пехкий лазар дола, садукъаш вола унахо меттавоалавара, доагама, наькъа хьовзама юкъе нийсвенна унахо дӀавигара хьал гойтар», - хоам бир газетага.
