Федеральни проекта чудоагӀаш, ГӏалгӀайчен хишта гонахьара моттигаш цӀенъергья
ГӏалгӀайче, 2026 шера хишта гонахьара моттигаш цӀенъергья, цох дийцар дукха ха йоацаш Ӏалама Министерстве дӀахьош хиннача кхетаче, яхаш, дийцар «Сердало» газетага ГӀР Ӏалам лорадераша.
«Сурхо, Эса хиш цӀендеш болх дӀабихьар, хӀанз из болх дӀахохьош ба Яндаре. «Россе хиш» яхача федеральни проекта дехар кийчдаьд Наьсар яхача хин йистош цӀенъяра проект кхоачашъеш, из дӀаьха да 12 км. Проект кхоачашъе тарлуш я 2027-2030 шерашка», - аьлар хоамо.
Белгалде деза, вай республика юкъейоагӀаш я дикагӀа болча пхе мехка. Из белгалдир, дӀадахача шера «Россе хиш» яхача Ерригроссийски боламе, хишта гонахьара нувхаш дӀаяхара тӀехьа дика къахьегарах республика белгалъяьлар.
Хиний таронаш лораяр - мах баь варгвоацача тезача хин - ГӏалгӀайчен керттера декхар да. Цо доккхагӏа дола дакъа дӀалоац мехка экологически таронаш тоаяра юкъе, хин гӏишлош цӀенъяр керттера дош хиннад вай массаза.
