ГӀалгӀай Республике гӀолла йолча МВД Паччахьалкхен автоинспекце хьалхадоаккх машинашца лелача наха, сих а ца луш, лоралуш хила безилга, яхаш, хоам бу «Сердало» газетага цу бокъонаш лораераша.

Ара хаоттам хувцабелар, дукха лоа дилла; цхьайолча моттигашка догӀа делхаш, цигарча наькъашка ша баь хиларах, ГӀалгӀай республикан МВД Паччахьалкхен инспекце водителаш тӀахьех машинашца сиха цалелара.

«Йицъеш ма хила машинашта юкъера а иштта уллувра а юкъ, кхерамзлен моттиг хилийта хьажа мешинашта юкъе, наькъа шоаш доагӀаш, лоралуш хила, наькъа сехьавоалаш саг вий хьажа», - аьлар ГАИ болхлоша.

Ара хаоттам хувцабелча, наькъ тӀара хьал а хувцалу. Машинаца воагӀача сага сакхетам лакха хила а теркам чӀоагӀа хила а беза ха я из. Транспорт цу тайпарча хьалашка леларга кийчъяь хилийта еза.

Лоа дилла хиларца дувзаденна, мехка бокъонаш лораераша хоам бу, тӀема-гуржий никъ оала моттиг, цхьаккха а тайпара машинаш чакхъяргйоацаш, дӀакъайла хиларах.