Нагахьа санна наха болх беча моттигашка температура 28,5 градус кхоачаш яле балха ди цхьа сахьат кIезига де йиш я. Нагахьа санна 29 градусага кхоачаш йIовхал эттаяле ши сахьат хьалха балха ди йистедаккха деза, хIаьта 30,5 градус йIовхал хилча диъ сахьат хьалха болх Iобилла беза, — йоах Роспотребнадзора сайта тIа.
Иштта белгалду, йIовхал латташ 25 шерал чухьанахьа а иштта 40 шерал арахьа а ха яьнна нах ба балха хила мегараш.
Цу тайпара балха хьалаш республике гIолла леладу геттара чIоагIа йIовхал этта хилча, из хьалхара деш а дац. ДукхагIа йолча учрежденей, предприятей службаша цхьа сахьат хьалха йистедоаккх шоай балха ди. Из хьабеш бола болх малагIа ба хьежжа деш да.
